1- आमि पनः सदरस नावि छेस लमान
कति बोज़ि दय म्योन म्येति दियि तार
आम्यन टाक्यन पोन्य ज़न शमान
ज़ू छुम भ्रमान गरः गछ़ः हा ।
2- दोद क्याह ज़ान्यि येस नो बन्ये
गमऽक्य जामः वलिथ तन्ये
गरः गरः फीरऽस प्येयम कन्ये
ड्यून्ठुम नः कान्ह पनने कन्ये ।
3- परान परान ज़्येव तः ताल फोजिम
तः यूगः क्रेय तऽजिम नः ज़ान्ह
समुरन फिरान न्योठ तःओन्गजि गऽज्यम
मनऽच्य द्वय मालि च़ऽजिम नःज़ान्ह
4- राव-नः मन्ज़य रोवुम
राविथ अथि आयस भवसरय
असान गिन्दान सहज़य प्रोवुम
दपनय कोरुम पानस स॓रय ।