1-ज़गतस अन्दर काऽत्याह पाऽलिम
साऽरी छ़ान्डान दयि स्ऽन्ज वथ
श्यन मन्ज़ अकिस दया ज़ाऽन्यिम
माऽन्यिम तः ज़ाऽन्यिम ईशवर गथ
2-नः ज़ायस तः नः प्यायस
नः खेयम हन्द तः नः शोन्ठ
नः छ़ेस श्यन पत
नः छय्स सतन ब्रोन्ठ
3-रोज़न्यि आयस गछ़ुन गछयम
पकुन गछ़यम वावअः लूकपाल
केन्ह नस प्येठ नच़ुन गछ़यम
अच़ुन गछ़यम सूक्षम प्रकाऽरय
4-येस नः केन्ह कान तय छोनुय यस तरूय
सु कुस शूरवीर व्योदस न्येरे
अन्दरी नय गलि तस वेहनुय ब्योलुय
शय नय आसि तय क्रय कति व्यप्ये
5-कुस बब तः क्वसो माऽजी
कऽमि लाऽजी बाऽजी बठ
काऽल्य गछ़ख नःकुन्यि बब नः कुन्यि माऽजी
ज़ाऽन्यिथ कव लाऽजिथ बाऽजी वठ