1-गोरऽय मोल तय गोरऽय माऽजी
गोरऽय दिवान न्येतरन गाश
येऽम छ़रिस मरिस वस्त्र लाऽगी
छुय पोन्यस भाऽगी पापन नाश
2-ललि ग्वर ब्रहमाँड प्येठ कुन वुछुम
शशकल वाऽच़ऽम पादन ताम
ज्ञानकि अमृतः प्रकरथ बऽरऽम
लूभय मोरूम अन्दः वन्दः ताम
3-हे ग्वरा परमेशवरा
बावतम च्य़ेय छुय अन्तर व्योद
द्वोशवय वोपदान कन्द पूरा
हुह कवः तुरूण तः हाह गोव तोत
4-गोरन वोनःनम कुनुय वच़ुन
न्येबरः दोपनम अन्दर अच़ुन
सुय म्ये ललि गोम वाख तः वच़ुन
तवय म्ये ह्योतमय नन्गय नच़ुन
5-ग्वरःकथ हृध्यस मन्ज बाग रऽटऽम
गँगः ज़लनाऽविम तन तय मन
सेदीह जीवन मोरवतय प्रोवुम
यमः बयि च़ोलुम पोलुम अरथ