1- युस हा मालि ह्येड्यभ तः गेल्यम मसखर करयम
सुय हा मालि मनस खट्यम नः ज़ाह
शिव पनुन येलि अनुग्रह करयम
लुकः हुन्द ह्येडुन करयम म्ये क्याह ।
2-तत्व प्रकाश अँन्त वनि सु पानय
वोन्द सरस्वती गँगा यमन
संगम यिमन बेऽन्द सुय नाद ज़न
सुय दपिज़ि सहज़ क्रय
3-कुस डिन्गि तय कुस ज़ागि
कुस सर वत्रि त्येलि
कुस हरस पूज्य़ि लागि
कुस परम पद मेलि ।
4-मन डिन्गि तय अकोल ज़ागि
डाड्यसर पऽन्चं येन्द्रेय वत्रि त्येलि
स्वव्यच़ार हरस पूज़ि लागि
परमपद च़ीतनायि शिव म्येलि ।