1-प्रथऽय तीॅथन गछ़ान स॓न्याऽस्य
गारानस्वदॅशन म्युल
च्येता परिथ मो न्यशपथ आस
डेंन्शख दूरे द्रमुन न्यूल । 2-अज़पा गायत्रय हमसः हमसः ज़पिथ
अहम त्राविथ सुय उदः रठ
येम्य त्रोव अहम सुय रूद पानय
बो ना आसुन छुय व्वपदीश ।
3-कन्ध्यव गेह त्यज़ि कन्ध्यव वनवास
व्यफुल मन ना रटिथ वास
ध्यन रात गंन्जरिथ पनुन श्वास
युथुय छुख तः त्युथुय आस ।
4-कुस मरि तय कस मारन
मरि कुस तय मारन कस
युस हरः हरः त्राविथ गरः गरः करे
अदः सुय मरि तय मारन तस
5-ब्रोन्ठ कालि आसन तिमय केरन
टंग च़ून्ठ्य पपन च्य़ेरन स॓ऽत्य
माजि कोरि अथवास करिथ न्येरन
दोह ध्यन भरन परध्यन स॓ऽत्य
6-कन्ध्यव ग्राह कन्ध्यव वनवास
युथुय छुख तः त्युथुय आस
मनस दाऽर रठ साप॓नख स्वास
क्याह छुय मलुन सूर तय सास ।