1-पानस सऽतीय लय येलि कऽरऽमस
ध्यानस थाऽनम नः रोज़नस शाय
कायस अन्दर सोरुय वुछुम
पायस पोवुम कऽडमस ग्राय
2-पवनस पूरिथ युस अनि वगि
तस ब्वी नः सपॅष नः बोछि नः त्रेश
ति यस करुन अन्तह तगि
संसारस सुय ज्य़यी नेछ़ । 3-कॅम ज़अः कारण त्रेह कोम्बिथ
यव लबख परिलूकस आँऽख
व्वथ खस सिॅमन्डल च़ोम्बिथ
तवय च़ली मरनन्य शेन्ख
4-च्यथ त्वरगः वगि ह्यथ रोटुम
च्य़लिथ मिलःविथ दशनाडि वाव
तवय शशिकल व्यगलिथ वछ़ुम
शुन्यस शून्याह मीलिथ गव ।