1--छु कुन्ये छु ना कुन्ये
वुछुम ओर योर ना कुन्ये
दयि फल तय मूल ना कुन्ये
च़ऽय च्य़ेन तो गारून नः कुन्ये ।
2-पानय आव पानस सऽऽती
पानय कोरून पनुन व्यच़ार
पानय पनुन नाव न्येछिनोवुन
पानय गुपुन पनुन पान ।
3-ओरः ति पानय योरः ति पानय
पानय पानस छु नः मेलान
प्रथम अच्य़ऽस नः मुलय दानय
सुय हा मालि च़ः आश्च़र ज़ान ।
4-हाय हँग नाद ज़न वज़ान
गुम्बद वज़ान दू दू दिथ
स्वज़न इशारः सऽऽत्यी बोज़ान
क्वज़न बोज़ान दमादमः दिथ ।