1-शुराह तः दाह युस शुमरिथ खारे
द्वादशांत अंदर गुम''नोही
त्रेह सुमरिथ केन्ह मात्रस प्रारे
सोय दपिज्य़े स्हज़ः क्रय ।
2-ब्रहमः बुरज़स प्यठ वातः नोवुम
दिलःच्ये तारि साऽत्य दोपमस लम
हमसू त्राविथ सूहम प्रोवुम
दोपनम लली अतिथऽय श्रम ।
3-गायत्रेय अज़पा छ़लः अकि ताऽजिम
सूहम सतची क॓ऽरमस थफ
अहमस लोत पाऽठ्य ज़ठरय वाऽजिम
ग्वरः कथ पाऽजिम च़ाऽजिम च़ख ।
4-क्वल तय म्वल कथ क्युत छुय
तोत क्युत छुय शांत स्वभाव
क्रेय हुन्द आगुर वति क्युत छुय
अंतहि क्युत छुय ग्वरः सुन्द नाव ।